پنجاب یونین آف جرنلسٹس(پی یو جے) کے صدر زاہد رفیق بھٹی اور جنرل سیکرٹری حسنین ترمذی کی نیشنل پریس کلب اسلام آباد آمد پر بھرپور استقبال کیا گیا صدر پی ایف یو جے افضل بٹ ،صدر آر آئی یو جے طارق علی ورک ،صدر نیشنل پریس کلب اظہر جتوئی ،سابق صدر انور رضا اور صحافیوں کی کثیر تعداد نے مہمانوں کا استقبال کیا۔ اس موقع پر ملک میں آزادی صحافت اور صحافیوں کے مسائل پر تفصیلی گفتگو کی گئی صدر پی ایف یو جے افضل بٹ نے کہا کہ آزادی صحافت اور صحافیوں کے حقوق کے لیے جد و جہد جاری رہے گی صدر پی یو جے زاہد رفیق بھٹی اور جنرل سیکرٹری حسنین ترمذی نے نیشنل پریس کلب میں ہونے والے ترقیاتی کاموں کا بھی جائز لیا اور نیشنل پریس کلب کی باڈی کی کارکردگی کو سراہا