پنجاب یونین آف جرنلسٹس کی آئی ٹی کمیٹی کا اجلاس صدر پی یو جے زاہد رفیق بھٹی کی زیر صدارت منعقد ہوا۔ میٹنگ میں پی یو جے کی پہلی بار لانچ ہونے والی ویب سائٹ کے حوالے سے حتمی فیصلے کئے گئے۔ اس موقع پر کمیٹی ایڈوائزر عنصر اقبال نے سائٹ میں مجوزہ تبدیلیوں اور نئے فیچرز کے بارے میں بریفنگ دی۔ صدر پی یو جے زاہد رفیق بھٹی نے ہدایت کی ہے کہ ویب سائٹ کو فوری طور پر مکمل کیا جائے جس میں ممبران کی ڈائریکٹری کے ساتھ ساتھ پاکستانی صحافتی یونین کے بڑے ناموں کی ہسٹری بھی شیئر کی جائے گی۔ زاہد رفیق بھٹی کا کہنا تھا کہ یہ ویب سائٹ موجودہ باڈی کی جانب سے آئندہ آنے والے صحافیوں کی رہنمائی کے لئے ایک تحفہ ہے جسے وہ دنیا میں کہیں بھی باوقار طریقے سے پیش کرسکیں۔